*ಸವಿ ನಿದ್ದೆ*

 

*ಸವಿ ನಿದ್ದೆ*

 

 ಮುದ್ದು ನಿದ್ದೆಗೆ

ಸಮಯದ ಅಳತೆ ಏಕೆ!

 

ಛಳಿಯ ನಡುಕಕೆ

ಎಣ್ಣೆ-ಬಿಸಿನೀರ ಅಭ್ಯಂಜನ

ಎಳೆಮೈ ತೀಡುವ ಅಜ್ಜಿಯ ಗಾಯನ 

ಮುದ್ದು ನಿದ್ದೆಗೆ ಸಮಯದ ಅಳತೆ ಏಕೆ!

 

ಬಟ್ಟಲುಗಣ್ಣಿಗೆ ತಿಳಿ ಕಾಡಿಗೆ

ನವಿರು ನೆತ್ತಿಗೆ ರೇಷ್ಮೆ ಕುಂಚಿಗೆ

ಕಣ್ಣು-ತುಂಬುವ ವರೆಗೆ

ಸಕ್ಕರೆ-ಗನಸು ಮುಗಿವವರೆಗೆ

ಮುದ್ದು ನಿದ್ದೆಗೆ ಸಮಯದ ಅಳತೆ ಏಕೆ!

 

ಬೆಚ್ಚಿ ಬೀಳಿಸುವ ಕನಸು

ಮುಗುಳ್ನಗಿಸುವ ಕನಸು

ಅಮ್ಮನೊಡಲು ಸಾಕಲ್ಲವೇ... 

ಸಮಯದ ಅಳತೆ ಏಕೆ  ಮುದ್ದು ನಿದ್ದೆಗೆ!

 

-ದೀಪು